Παραδοσιακό παραμύθι στον Αρχάγγελο Αλμωπίας

                                            URATSU SI LUPU

vm7

Σκρά, Ιούνιος 1890

Ra una uara un urats si ara an agru. N’isti luvats putireu un lup. Lupu mai pute si fuga, luvats’il ramasira napoi, bun ma vijura pri lagare lu lupu ca si treca pri agru lu uratsu.
Ca si dusi lupu anca uratsu a’l jisi : «at’s mi rog s’mi scunds di luvats ca tser s’mi taltsasca»
– Cum, undi s’ti scound ?
– Aa… ver .. s’la fats tsista… lucru… !
Si uratsu si tsudi si a’l jisi : «s’ti pun an sac»
– Bun si antr an sac, ma s’nu mi pridai ajor catsat
– Nu ti pridau
Luvats’il vinira cola si la antribara uratsu : «nu vijus vrin lup si treca di ua»
– Nu vijui
– Cum nu vijus, noi vijum ca pri ua tricu
– Nu vijui, io ram casa
– Bun
Si luvats’il fujira ansus si si pirdura. Uratsu sfarso di arare, si si dusi s’la le sacu si a’l jisi la lupu : «ies, ca s’la leu sacu, luvats’il fujira»
– Dislega mi, jisi lupu, acu fuzira, m’acu nu, las mi ua
– Fujira, fujira
La disligo, si lupu iso, cum ra flamund jisi la uratsu : «c’mo s’ti manang»
– Cum s’mi manants?   Ca ti scapai ?
– Tu di tse mi scapas ca tsirei s’ti manang
– Stoi !  si antribom trei viti,  cum s’na jica sa !

Ca amnara amnara, batura di un cal pustanit. Uratsu spuni la cal : «tsista lupu la scuns an sac, la scapai di luvats, mo tseri s’mi mananga».
Cata uratsuli, io con ram tinir, con sirbem staponu meu nu mi narne, c’mo ca ambitarnii, mi guni, mo io stet suflitu s’in iasa, di tse tu la scapas,ma mo tseri s’ti mananga.   Lupu si bucuro.
Si dusira mai ancola, flara un coni cajut an drum, la antribara si sa jisi si iel : «io pana putem tucu a’liu vigliam casa, c’mo ca ambitarnii staponu nu mi va, anclisi porta, ni ‘n da poni , io mo mi mantsos».
Lupu jacatso s’la mananga uratsu, si uratsu jisi :  «ramasi anca un si antribom» si si dusira mai ancola, flara una lisitsa. Lisitsa la antribo uratsu «tse ai tu»
– Tsista lupu la pus an sac si la scapai di luvats, mo tseri s’mi mananga, ari diriptati ?
– S’ti mananga , tucu…. io …nu am ujot lanta uara lup an sac si antra.
– Antrai ! ! jisi lupu, an sac ! ! nu’i mintsuni ! ! tucu  mo s’ la manang
– Bun s’la manants, tucu antra an sac, s’ti ved, jisi lisitsa
Si el antro, si lisitsa jisi la uratsu : «lega la bun mo si mananga la tu».

@pastritsis

Advertisements

Σχολιάστε

Εισάγετε τα παρακάτω στοιχεία ή επιλέξτε ένα εικονίδιο για να συνδεθείτε:

Λογότυπο WordPress.com

Σχολιάζετε χρησιμοποιώντας τον λογαριασμό WordPress.com. Αποσύνδεση / Αλλαγή )

Φωτογραφία Twitter

Σχολιάζετε χρησιμοποιώντας τον λογαριασμό Twitter. Αποσύνδεση / Αλλαγή )

Φωτογραφία Facebook

Σχολιάζετε χρησιμοποιώντας τον λογαριασμό Facebook. Αποσύνδεση / Αλλαγή )

Φωτογραφία Google+

Σχολιάζετε χρησιμοποιώντας τον λογαριασμό Google+. Αποσύνδεση / Αλλαγή )

Σύνδεση με %s